اشوفك والندى دمع ٍ
يبلل وجنه الشباك !
تشاور لي تعال ادفى
بحضني عن براد الشوق !
ولا مني مسحت { دموع
شباكي وعجزت القاك ..!
.. احس من البراد ان
القزاز بعبرته مخنوق ..!
واحس اني مع نفسي
ونفسي تحسني وياك !
وادور عني وعنك ..
ولا القانا واناظر فوق !
غديني القاك والقاني !
ورا نجمن بعيد هناك !
و أدنق والسما غير ..
الكواكب ما بها مخلوق !
وحشني وجهك اللي في
.. صورك اشوفها بلياك
تعبت اقرا تعابير ٍ ..
عجزت اسمع لها منطوق !
عطشتك وانت قدامي
ولكن ما قدرت ارواك
شربتك حلم من ياسي !
عشان اروي جفاف عروق !
مع انك رحت ولا يمكن
ترد .. تصدق استناك ؟
واحس بنفسي لوصلك !
وهو ماهوب صاير توق
ولا شفت الندى دمع ٍ
يبلل وجنه { الشباك !
تخيلتك " وراه " وحاجبك
.... عني ضباب الشوق !
ليست هناك تعليقات:
إرسال تعليق